Il-manager ta’ Leicester City, Brendan Rodgers, ċaħad xnigħat li jorbtuh ma’ Manchester United.
Bir-Red Devils jisnabu fis-seba’ post fil-klassifika tal-Premier League, u wara daqqa ta’ ħarta ta’ 5-0 kontra Liverpool nhar il-Ħadd li għadda, il-pressjoni fuq Ole Gunnar Solskjaer malajr żdiedet, b’mistoqsijiet iqumu dwar il-futur tiegħu f’Old Trafford.
Il-manager ta’ Leicester Rodgers kien wieħed mill-managers li kien rappurtat li kienu qed jitqiesu bħala sostitut possibbli għan-Norveġiż, iżda minn dakinhar huwa ċaħad rabtiet bħal dawn.
Il-Foxes bħalissa jinsabu fid-disa’ post fil-klassifika tal-Premier League, wara li spiċċaw fil-ħames post fl-aħħar żewġ staġuni konsekuttivi, u rreġistraw rebħa ta’ 4-2 fuq Manchester United aktar kmieni f’Ottubru.
L-ex manager ta’ Liverpool kien flimkien ma’ coaches bħal Erik ten Hag u Antonio Conte fuq ix-short list tal-club minn Old Trafford, li jingħad li qed ikomplu jfittxu manager fit-tul.