Bruno Fernandes, iffirma estensjoni ġdida ta’ erba’ snin u nofs fil-kuntratt ma’ Manchester United.
Il-midfielder ta’ Manchester United, Bruno Fernandes, iffirma estensjoni ġdida fil-kuntratt ta’ erba’ snin u nofs mal-club.
Il-ftehim il-ġdid tal-player ta’ 27 sena se jżommu f’Old Trafford sas-sajf tal-2026, bl-għażla li dan jiġi estiż b’sena oħra inkluża fit-termini.
Fernandes malajr stabbilixxa ruħu bħala parti ewlenija tal-ewwel team ta’ Manchester United wara li ngħaqad magħhom f’Jannar 2020, u kkontribwixxa direttament għal 20 goal fi 22 dehra biss matul it-tieni nofs tal-istaġun 2019-20.
L-internazzjonali Portugiż kompla biex skorja 49 goal u rreġistra 39 assist f’117-il ħarġa għall-club fil-kompetizzjonijiet kollha s’issa.
“Mill-mument li ngħaqadt ma’ Manchester United, kelli relazzjoni speċjali mal-club u l-partitarji mill-aqwa tagħna. Trabbejt nara dan it-team, ħlomt li jkolli ċ-ċans li nilgħab ma’ dan il-club xi darba,” qal Fernandes.
