Il-forma fqira ta’ Bayern Munich taħt Thomas Tuchel kompliet bi draw ta’ 1-1 kontra Hoffenheim, għalkemm baqgħu żewġ punti vantaġġ fil-quċċata tal-Bundesliga wara li Borussia Dortmund sofrew id-draw fid-97 minuta kontra Stuttgart.
Tuchel rebaħ tnejn biss mill-ewwel ħames logħbiet tiegħu, b’żewġ telfiet fosthom dik ta’ 3-0 fl-ewwel leg tal-kwarti-finali taċ-Champions League tal-ġimgħa li għaddiet minn Manchester City.
Benjamin Pavard tefa’ lil Bayern fil-vantaġġ iżda free-kick ta’ Andrej Kramaric ta punt lill-viżitaturi.
Dortmund dehru li kienu se jilħqu lil Bayern, li rebħu l-aħħar 10 Bundesligas, sakemm wasal kollass notevoli kontra Stuttgart.
Sebastien Haller u Donyell Malen taw vantaġġ ta’ 2-0 lil Dortmund u Stuttgart kellhom lil Konstantinos Mavropanos imkeċċi qabel il-mistrieħ.
Tanguy Coulibaly u Josha Vagnoman kisbu d-draw b’10 players għal Stuttgart qabel ma Giovanni Reyna skorja dak li deher li kien se jkun il-goal tar-rebħa fil-ħin miżjud għal Dortmund. Iżda ħames minuti wara Silas Katompa Mvumpa għamel l-iskor finali 3-3.
X’imkien ieħor, Timo Werner skorja l-100 goal tiegħu fil-Bundesliga b’doppjetta hekk kif Leipzig, fit-tielet post, għelbu lil Augsburg 3-2.
