Cardiff City żiedu l-isforzi tagħhom biex jirbħu t-tellieqa biex jakkwistaw lil Gareth Bale bi free transfer.
Il-Ħadd filgħaxija, il-player ta’ 32 sena kellu rwol ċentrali f’rebħa oħra memorabbli għal Wales, bil-freekick tal-attakkant jiġi imxellef fix-xibka tiegħu stess minn Andriy Yarmolenko tal-Ukrajna hekk kif id-Dragons kisbu post fit-Tazza tad-Dinja tal-2022 li se ssir fil-Qatar.
Fost l-ispekulazzjonijiet li jista’ jirtira kieku Wales sofrew telfa f’Cardiff, Bale naturalment kien mistoqsi dwar il-futur tiegħu, u rrikonoxxa li kellu l-ħsieb li jestendi l-karriera tiegħu matul l-istaġun 2022-23.
