Carlo Ancelotti, wieħed mill-aktar kowċis rispettati fil-futbol modern, fetaħ qalbu dwar l-esperjenzi tiegħu mal-klabbs ewlenin fl-Ewropa. Minkejja l-karriera mimlija unuri, li tinkludi rebħ ta’ diversi kampjonati u UEFA Champions League, il-vjaġġ tiegħu ma kienx dejjem ward u żahar. F’intervista riċenti li se tidher ukoll fl-awtobijografija l-ġdida tiegħu, Ancelotti ammetta li l-aktar tkeċċija li weġġgħetu kienet dik mingħand Bayern Munich fl-istaġun 2017-18, li sejħilha l-aktar waħda vili meta mqabbla ma’ dawk minn Chelsea u Real Madrid. Dan il-perjodu mhux biss żvela l-pressjoni kontinwa tal-futbol modern, iżda wkoll il-mod kif anke l-aktar maniġers esperjenzati jistgħu jispiċċaw f’sitwazzjonijiet diffiċli.
Ancelotti qal li l-Bavarjani xejn ma trattawh tajjeb u fissru bħala l-agħar mument kemm ilu jikkowċja.