Il-coach ta’ Real Madrid, Carlo Ancelotti, wiegħed il-futur tiegħu lill-club billi sostna li l-unika ħaġa li jara lilu nnifsu jagħmel huwa li jmexxi lil Los Blancos.
Ancelotti rritorna ma’ Real għat-tieni perjodu mal-club fejn l-istaġun li għadda huwa rebaħ rebaħ il-kampjonat Spanjol kif ukoll il-UEFA Champions League fl-ewwel staġun tiegħu.
It-Taljan ta’ 63 sena, li tkeċċa minn Real fl-2015, sena biss wara li wassal lit-team għar-rebħ La Decima, għandu kuntratt sa Ġunju 2024. Ix-xahar li għadda ġie rrappurtat li Real diġá qed jikkunsidraw li jagħtuh kuntratt ġdid.
“Għal din is-sena u s-sena d-dieħla, Real Madrid … imbagħad Madrid … u għal darb’oħra Madrid. Imbagħad naraw,” qal Ancelotti meta mistoqsi dwar il-futur tiegħu qabel il-konfront kontra Shakhtar Donetsk validu mill-fażi tal-gruppi tal-UEFA Champions League.
“Hawn jgħidu li huwa faċli ħafna li tkun il-coach ta’ Real Madrid: inti biss trid tirbaħ il-partiti,” żied jgħid.
Id-draw ta’ 1-1 kontra Osasuna, il-Ħadd li għadda, kien l-ewwel darba f’dan l-istaġun li Real ma rebħux li taw l-opportunità lil Barcelona li jaqbżuhom fl-ewwel post tal-klassifika bid-differenza tal-goals.
