Il-manager ta’ Real Madrid, Carlo Ancelotti, għamel kuntatt ma’ David Luiz matul is-sajf u ried iġib lid-difensur ċentrali ta’ esperjenza fil-Bernabeu.
Il-player ta’ 34 sena kien disponibbli bi free transfer dan is-sajf, wara li ra l-kuntratt tiegħu ma’ Arsenal jiskadi fl-aħħar ta’ Ġunju.
Aktar kmieni dan ix-xahar, tħabbar li l-Brażiljan iffirma kuntratt ta’ 15-il xahar ma’ Flamengo, u rritorna f’pajjiżu wara kważi 15-il sena fl-Ewropa.
Huwa mifhum li Ancelotti għamel kuntatt ma’ Luiz biex jesprimi interess, iżda Los Blancos ma poġġewx kuntratt fuq il-mejda għad-difensur.
Real Madrid ippermettew lill-ex captain Sergio Ramos jitlaq dan is-sajf, filwaqt li Raphael Varane ingħaqad ma’ Manchester United.
David Alaba ingħaqad mal-Madrileni bi free transfer matul is-sajf, iżda l-ġganti Spanjoli jingħad li huma determinati li jġibu difensur ieħor ieħor fil-club fl-2022.
