Hekk kif Karim Benzema lagħab l-aħħar logħba kontra Athletic Bilbao u fejn sab ix-xibka fid-draw ta’ 1-1, tkellem il-kowċ ta’ Real Madrid Carlo Ancelotti li sellem lill-iskorer prolifiku Franċiż u qal li ma xtaqx li l-plejer jispiċċa minn Estadio Santiago Bernabeu speċjalment wara 14-il sena fejn skorja ammont kbir ta’ gowls u fejn sar idolu għall-Madrileni kollha.
Ancelotti qal li stenna li hu jagħmel staġun ieħor magħhom iżda b’xorti ħażina hu se jkun qed jilgħab fl-Arabja Sawdija ma’ Al Ittihad.
