L-eks attakkant internazzjonali Arġentin Carlos Tevez irrizenja minn kowċ ta’ Rosario Central fis-sigħat li għaddew.
Kien Tevez stess li ħabbar dan kollu hekk kif f’dawn l-aħħar ġimgħat, l-ogħla awtoritajiet tal-klabb użaw l-isem ta’ El Apache għal skopijiet politiċi.
Dan kollu xejn ma niżel tajjeb mal-eks plejer ta’ Manchester City, Manchester United u Juventus li qal li ħadd ma juża’ ismu għal skopijiet personali tiegħu u ħabbar li kien se jwarrab min-nofs.
