Il-kowċ u opinjonista femminili Carolina Morace se tkun qed tmexxi lil London City Lionesses fl-Ingilterra. Hi se tkun qed tiffirma kuntratt sas-sena 2025.
Id-diriġenti ta’ London City Lionesses qalu li akkwistaw kowċ li għandha esperjenza notevoli fil-futbol femminili u li se tagħti motivazzjoni ġdida lill-grupp li jrid jirbaħ The Championship Ingliża fl-istaġun li ġej.
Morace kienet tikkowċja lil Lazio fis-sena 2021 fejn fost l-oħrajn mexxiet lill-plejer Maltija Rachel Cuschieri.
Hi għandha 59 sena u fi żmienha lagħbet 150 partita mat-tim nazzjonali Taljan u skorjat xejn inqas minn 105 gowls.
