Casemiro qal li t-trasferiment tiegħu ma’ Manchester United mhuwiex motivat mill-flus hekk kif nhar it-Tnejn ta l-addio lil sħabu ta’ Real Madrid.
Il-midfielder tal-Brażil ta’ 30 sena qal li qed jingħaqad “mal-akbar club fid-dinja” wara perjodu ta’ disa’ snin ma’ Real.
United aċċettaw li jħallsu £70 miljun biex jiffirmaw lil Casemiro bi ftehim ta’ erba’ snin li jagħmel minnu wieħed mill-aktar players imħallsa fl-Ewropa hekk kif se jaqla’ £350,000 fil-ġimgħa.
“Kieku kien dwar il-flus kont nitlaq erba’ jew ħames snin ilu,” huwa qal.
“Dawn in-nies li jaħsbu li jien ġejt hawn għall-flus huma żbaljati u ma jafuni xejn.”
