Miljuni ta’ persuni madwar id-dinja ftit li xejn kienu mdejqin li s-sena 2020 ġiet fi tmiemha, iżda dawn ma setgħux jilqgħu lis-sena 2021 bil-mod allegruż tas-soltu. Iċ-ċelebrazzjonijiet li saru fil-bidu tas-sena l-ġdida f’għadd ta’ bliet madwar id-dinja kienu ristretti ħafna minħabba l-pandemija.
Bliet kbar, bħal New York, fejn is-soltu jkun hemm ċelebrazzjonijiet kbar, kienu relattivament vojta filwaqt li f’postijiet oħrajn in-nies setgħu jattendu taħt miżuri sretti ħafna ta’ prekawzjoni.
