Meta kien intervistat minn stazzjon tat-televiżjoni Taljan, il-plejer internazzjonali Spanjol, Cesc Fabregas, qal li jinsab kuntent jilgħab mat-tim mis-serie B Taljana Como.
Hu qal li għall-bidu ma kinitx xi ħaġa faċli li jinżel kategorija meta hu kien imdorri jilgħab f’livelli ferm għoljin hekk kif libes il-flokkijiet ta’ Arsenal, Barcellona, Chelsea u Monaco.
Madankollu hu qal li qed jieħu gost ma’ dan it-tim kemm ilu li ngħaqad magħhom fil-bidu ta’ dan l-istaġun. Hu qal li l-proġett tal-president tal-Lariani hu wieħed ferm ambizzjuż.
S’issa l-plejer ta’ 35 sena lagħab 15-il partita iżda ma rnexxielux jiskorja gowls.