Is-sewwieq minn Monaco, Charles Leclerc (Ferrari), illum se jibda mill-ewwel pożizzjoni tal-Grand Prix tal-Belġju li se jsir fiċ-ċirkwit ta’ Spa-Francorchamps.
Huwa se jagħmel dan minkejja li kien it-tieni l-aktar veloċi wara l-Olandiż Max Verstappen (Red Bull).
Iċ-champion tad-dinja Verstappen iddomina l-kwalifikazzjoni fix-xita u għeleb lil Leclerc b’0.595 sekondi iżda ngħata penalitá tal-grid ta’ 10 postijiet talli qabeż l-ammont permess tiegħu ta’ komponenti tal-magna.
Għaldaqstant, il-Ferrarista ġie dikjarat “rebbieħ” b’ħin ta’ minuta u 53.754 sekondi.
Il-Messikan, Sergio Perez tar-Red Bull, kien it-tielet l-iktar veloċi, u għalhekk ġie promoss fl-ewwel filliera flimkien ma’ Leclerc.
Il-Brittaniku, Lewis Hamilton (Mercedes) se jibda mit-tielet pożizzjoni u se jkun segwit miż-żewġ sewwieqa tal- McLaren, il-Brittaniku Lando Norris u l-Awstraljan Oscar Piastri.
Din se tkun l-aħħar tiġrija qabel il-waqfa tas-sajf u għaldaqstant il-mistoqsija hija jekk Verstappen huwiex se jkun kapaċi jirbaħ wara li ġie relegat fl-10 pozizzjoni minħabba l-penalitá.
Dawn il-provi uffiċjali saru taħt xita kontinwa u saħansitra ġew sospiżi sakemm battiet.
Il-klassifika ta’ fuq hija: 265 – Max Verstappen; 189 – Lando Norris; 162 – Charles Leclerc; 154 – Carlos Sainz.
