Chelsea għamlu kuntatt mar-rappreżentanti ta’ Robert Lewandowski biex jiddiskutu trasferiment possibbli għall-attakkant ta’ Bayern Munich matul is-suq tat-trasferimenti ta’ dan is-sajf.
L-internazzjonali Pollakk għamilha ċara li jrid iħalli l-Allianz Arena fis-suq attwali biex ifittex sfida ġdida fil-karriera tiegħu.
“L-era tiegħi ma’ Bayern spiċċat. Ma nara l-ebda possibbiltà li nkompli nilgħab ma’ dan il-club aktar. Bayern huwa klabb serju u nemmen li mhux se jżommuni; ma rridx nilgħab aktar magħhom. Trasferiment huwa l-aħjar soluzzjoni għalija. Nittama li ma jwaqqfuniex,” qal riċentement Lewandowski lill-ġurnalisti.
