Chelsea daħlu fit-tellieqa mar-rivali Manchester United biex jiffirmaw lill-attakkant ta’ Ajax, Antony, dan is-sajf.
Il-Brażiljan ta’ 22 sena kien marbut b’mod qawwi ma’ ċaqliq f’Old Trafford, li jarah jerġa’ jingħaqad ma’ Erik ten Hag li ħalla liċ-champions tal-Eredivisie biex jieħu r-riedni tal-club minn Manchester.
L-aġent ta’ Antony huwa maħsub li qed jimbotta biex il-klijent tiegħu jingħaqad mar-Red Devils u talab biex Ajax jisimgħu l-offerti għall-attakkant dan is-sajf.