Chelsea daħlu fit-tellieqa għall-attakkant ta’ Napoli, Victor Osimhen.
L-ex player ta’ Lille sab saqajh f’Napli u gawda minn bidu stellari għall-istaġun 2021-22, fejn skorja sitt goals u pprovda assist wieħed minn sitt logħbiet fil-kompetizzjonijiet kollha.
Osimhen ingħaqad ma’ Napoli biss is-sajf li għadda u huwa kkuntrattat mal-club tas-Serie A sas-sajf tal-2025, iżda l-wirjiet tiegħu ma għaddewx inosservati minn clubs Ewropej oħra prinċipali.
Manchester City huma interessati fiż-żagħżugħ ta’ 22 sena, u Chelsea huma wkoll fit-tellieqa għas-serviżżi tiegħu.
Osimhen kellu staġun mimli tlugħ u nżul fl-istaġun 2020-21 ma’ Napoli minħabba injuries u l-coronavirus iżda xorta rnexxielu jiskorja 10 goals u jipprovdi tliet assists minn 24 dehra fid-debutt tiegħu fl-istaġun tas-Serie A.
