Ftit tal-ħin ilu ħarġet l-aħbar li Chelsea daħlu fit-taqtiegħa ma’ Manchester United għall-firma tal-midfielder internazzjonali Olandiż ta’ Barcelona, Frenkie De Jong.
Ir-Red Devils ilhom ġimgħat sħaħ jiġru wara De Jong iżda naqsu li jikkonvinċuh minħabba li ma jistgħux joffrulu logħbiet fiċ-Champions League.
Għall-kuntrarju l-Pensioners għandhom proġett għalih hekk kif qed jipparteċipaw fl-aktar kompetizzjoni prestiġjuża Ewropea minbarra li mistennija joffrulu salarju ferm attraenti.
