Chelsea qed jikkunsidraw li jagħmlu offerta għall-attakkant ta’ Manchester United Cristiano Ronaldo, matul it-tieqa tat-trasferimenti ta’ Jannar.
Il-player ta’ 37 sena pprova jħalli lir-Red Devils matul is-sajf, u informa lill-klabb bix-xewqa tiegħu li jitlaq sabiex ikompli jilgħab fiċ-Champions League.
Ronaldo fl-aħħar mill-aħħar baqa’ ma’ Manchester United, iżda sabha diffiċli biex juri l-aqwa forma tiegħu dan l-istaġun, billi rnexxielu jiskorja biss żewġ gowls fi 12-il dehra fil-kompetizzjonijiet kollha.
