Chelsea rebħu t-taqtiegħa għall-istilla tal-futur, il-Brażiljan Andrey Santos, mingħand Vasco da Gama.
Iż-żagħżugħ ta’ 18-il sena huwa meqjus bħala wieħed mill-aqwa prospetti tal-Brażil li dan l-istaġun bbrilla fil-kampjonat Brażiljan minkejja l-età tenera tiegħu.
Santos ġibed interess mifrux minn clubs madwar l-Ewropa inklużi Paris Saint-Germain, Barcelona, Newcastle United u Manchester City.
Iżda kienu Chelsea li rebħu l-firma tiegħu u issa laħqu ftehim li jħallsu lil Vasco is-somma ta’ €20 miljun għas-servizzi tiegħu.
Għaldaqstant fil-jiem li ġejjin Santos għandu jmur Londra biex isirlu t-test mediku qabel jiffirma l-kuntratt tiegħu.
Huwa kien iffirma estensjoni tal-kuntratt ma’ Vasco f’Settembru li kien se jżommu marbut mal-club sal-2027 bi klawsola ta’ €50 miljun.
Santos irrappreżenta lit-team nazzjonali Brażiljan fil-livelli ta’ Taħt is-16 u l-20 sena.
