Chelsea offrew kuntratt lil Antonio Rudiger li jiswa qrib il-£200,000 fil-ġimgħa, hekk kif il-Blues qedjippruvaw iddisprat iżommu lid-difensur ċentrali.
L-internazzjonali Ġermaniż kien player ewlieni għat-team ta’ Thomas Tuchel matul l-istaġun 2021-22, fejn għamel 32 dehra fil-kompetizzjonijiet kollha, skorja tliet goals u pprovda erba’ assists fil-proċess.
Madankollu, il-kuntratt tal-player ta’ 28 sena fi Stamford Bridge għandu jiskadi dan is-sajf, u għad hemm spekulazzjoni mifruxa dwar il-futur tiegħu.
Real Madrid, Paris Saint-Germain u Manchester United huma kollha maħsuba li huma interessati li jiffirmaw lid-difensur ċentrali bi free transfer qabel l-istaġun li ġej.
Madankollu, teżisti pożittività minn Chelsea li jista’ jintlaħaq ftehim fil-ġimgħat li ġejjin, bil-club jgħolli l-offerta tal-kuntratt tagħhom.
It-team ta’ Tuchel offra somma eqreb it-talbiet ta’ Rudiger ta’ £200,000 fil-ġimgħa bit-tama li jikkonvinċih jestendi l-esperjenza tiegħu fil-kapitali Ingliża.
Il-Ġermaniż għamel 181 dehra ma’ Chelsea minn meta ngħaqad magħhom mingħand Roma fl-2017, fejn skorja 10 goals u rreġistra seba’ assists fil-proċess.
