Chelsea qed jirsistu qatigħ sabiex iġeddu l-kuntratt tal-plejer ta’ nofs il-grawnd Mason Mount. Dan tal-aħħar għandu 24 sena u ilu mal-Blues sa mis-sena 2017, lagħab 126 partita u skorja 27 gowl.
It-tim minn Londra qed jipprova jgħaġġel f’din it-trattativa minħabba li anke Liverpool qed jinteressaw ruħhom f’dan il-midfielder internazzjonali Ingliż li lagħab ukoll 35 darba mat-tim nazzjonali Ingliż.
Min-naħa tiegħu, Mount qed jistenna aktar informazzjoni mingħand ir-rappreżentant tiegħu li qed jinnegozja xi titjib fis-salarju tiegħu.
