Chelsea għandhom pjanijiet biex jagħmlu lid-difensur ta’ Sevilla, Jules Kounde, wieħed mill-ewwel akkwisti tagħhom fit-tieqa tat-trasferimenti tas-sajf.
Kif inhi s-sitwazzjoni bħalissa, il-Blues ma jistgħux jixtru, ibigħu jew jerġgħu jinnegozjaw kuntratti ma’ players attwali minħabba l-proċess ta’ takeover, sitwazzjoni li kkontribwiet biex Antonio Rudiger jieħu d-deċiżjoni li jitlaq minn Stamford Bridge.
Madankollu, ġie dokumentat b’mod wiesa’ li Thomas Tuchel qed jippjana li jkun fis-suq għal mill-inqas difensur wieħed ta’ profil għoli b’Kounde meqjus bħala mira fit-tul.
Jidher li kemm Chelsea kif ukoll Kounde huma ħerqana li jtemmu trasferiment kemm jista’ jkun malajr fi tmiem l-istaġun.
Huwa mifhum li l-player internazzjonali Franċiż diġà ġie infurmat li se jkun il-prijorità ta’ Chelsea ladarba l-bank kummerċjali Amerikan Raine Group u l-Gvern Brittaniku jagħtu l-approvazzjoni għal takeover.
Filwaqt li l-klawsola ta’ release ta’ Kounde hija ta’ £68 miljun, Sevilla jistgħu jkunu lesti li jagħmlu negozju bi ħlas aktar baxx bil-kuntratt taż-żagħżugħ ta’ 23 sena li għandu jiskadi fl-2024.
