Chelsea identifikaw lill-midfielder ta’ Leicester City, Youri Tielemans, bħala mira potenzjali għat-trasferiment tas-sajf.
Filwaqt li l-player internazzjonali tal-Belġju huwa player ewlieni fil-King Power Stadium, ilu mifhum li mhux se jestendi l-kuntratt tiegħu mal-Foxes wara l-2023.
Dan inevitabbilment wassal għal interess mifrux fil-player ta’ 24 sena, li huwa favur bidla għal Real Madrid jekk tinqala’ l-opportunità.
Madankollu, huwa mifhum li Chelsea huma lesti li jidħlu f’taqtiegħa ma’ numru ta’ clubs rivali tagħhom fil-Premier League fit-tellieqa għall-firma ta’ Tielemans.
Bil-futur fit-tul ta’ Jorginho u N’Golo Kante ma’ Chelsea huwa wieħed inċert, Thomas Tuchel huwa lest li jbaxxi l-età tal-players tiegħu fil-midfield.
Manchester United u Arsenal ukoll qed ikomplu jsegwu s-sitwazzjoni mill-qrib, għalkemm x’aktarx ma jirriżultawx bħala destinazzjonijiet realistiċi jekk ma jirnexxielhomx jiksbu post fiċ-Champions League.
