Chelsea huma lesti li jappoġġjaw lil Thomas Tuchel bi players ġodda fis-sajf li ġej.
Il-klabb kellu tieqa tat-trasferimenti kwieta fix-xitwa wara li ffirmaw lil Romelu Lukaku qabel il-bidu tal-istaġun, iżda l-Ġermaniż mistenni jingħata l-għażliet qabel l-istaġun li jmiss.
Chelsea bħalissa jinsabu fit-tielet post fil-Premier League, filwaqt li għadhom kif rebħu t-Tazza tad-Dinja tal-Clubs, u għandhom l-opportunità li jżidu aktar unuri aktar tard dan ix-xahar meta jiffaċċjaw lil Liverpool fil-finali tal-EFL Cup.
Il-Blues huma lesti li jappoġġaw lil Tuchel fis-suq tat-trasferimenti tas-sajf bħala mod kif jippremjawh talli f’Jannar ma mbottax għall-firma ta’ player li kienet titqies bħala ‘mhux meħtieġa.’
Iċ-Champions Ewropej renjanti ma ffirmaw lil ħadd matul l-aktar suq tat-trasferiemnti riċenti, iżda jistgħu jkunu stabbiliti għal wieħed impenjattiv, peress li sa 10 plejers jistgħu jħallu l-club.
Intant, Chelsea qed jagħtu ħarsa lejn tliet plejers b’mod partikolari, b’Jules Kounde, Declan Rice u Aurelien Tchouameni kollha jkunu fil-mira tal-Blues.
