Chelsea m’għandhom ‘l-ebda intenzjoni’ li jqanqlu l-għażla tagħhom li jiskattaw klawsola għall-midfielder ta’ Atletico Madrid Saul Niguez.
L-internazzjonali ta’ Spanja wasal fi Stamford Bridge b’punt x’jipprova fil-ġurnata tal-iskadenza, iżda ġarrab ħmar il-lejl fl-ewwel 45 minuta kontra Aston Villa fid-debutt tiegħu fil-Premier League.
Saul weġġa’ f’dak il-konfront, u minn dakinhar kien sostitut mhux utilizzat fl-aħħar erba’ logħbiet tal-Premier League tat-team tiegħu.
Chelsea għandhom l-għażla li jixtru lill-player ta’ 26 sena b’mod permanenti bi ħlas ta’ £30 miljun fis-sajf li ġej, iżda l-Blues mhumiex lesti li jżommu s-servizzi tiegħu.
Thomas Tuchel minflok xeħet għajnejh fuq Marcelo Brozovic ta’ Inter, u kif inhuma l-affarijiet Saul se jerġa’ jingħaqad ma’ Atletico fi tmiem l-istaġun.
Saul għamel tliet dehriet ma’ Chelsea fil-kompetizzjonijiet kollha s’issa, u l-kuntratt tiegħu ma’ Atletico jiskadi fis-sajf tal-2026.
