Chelsea mhumiex lesti li jħallsu €140 miljun jekk jiddeċiedu li jiffirmaw lill-midfielder internazzjonali Portugiż, Joao Felix, mingħand Atletico Madrid hekk kif bħalissa jinsab b’self sal-aħħar tal-istaġun.
Felix irid jitlaq lil Atletico akkost ta’ kollox minħabba li ma jarax għajn m’għajn mal-coach Diego Simeone. Min-naħa tiegħu, il-club Spanjol qed jagħmel minn kollox biex jinnegozja lil dan il-player u jdaħħal somma tajba tiegħu.
Iżda għal dik is-somma, id-diriġenti tal-Pensioners mistennija jixħtu l-attenzjoni tagħhom fuq l-attakkant internazzjonali Ingliż ta’ Tottenham Hotspur, Harry Kane.
Il-Blues jibdew favoriti li jiksbu l-firma tiegħu minħabba li huwa bbażat f’Londra u ma għandux għalfejn isib dar oħra.
Fil-veritá, Felix xejn ma kellu bidu tajjeb ma’ Chelsea hekk kif fid-debutt tiegħu huwa tkeċċa kontra Fulham.
