Chelsea qed jiffaċċjaw tnaqqis potenzjali ta’ punti hekk kif il-Premier League investiga ħlasijiet lil “kumpanija offshore sigrieta” matul l-era ta’ Roman Abramovich.
Skond il-media Ingliża, il-Premier League qed jinvestiga lil Chelsea għal ksur potenzjali tar-regoli finanzjarji fi żmien Abramovich fit-tmexxija tal-club.
Is-sidien il-ġodda tal-Blues, il-konsorzju mmexxi minn Todd Boehly, jingħad li rrappurtaw lill-club tagħhom stess lill-UEFA u lill-Premier League wara t-teħid tagħhom fis-sajf li għadda.
Fil-preżent Chelsea ma ġew akkużati b’xejn mill-Premier League, madankollu, jekk jinstabu ħatja ta’ ksur tar-regoli jistgħu jiffaċċjaw sanzjonijiet li jvarjaw minn multa sa tnaqqis ta’ punti.
Ir-rapport mill-media Ingliża għamel referenza għal ‘sorsi b’għarfien tal-każ’, li sostnew li ġew identifikati ħlasijiet lil madwar sitt kontijiet off-shore.
Barra minn hekk, l-iżbokk allega li l-ħlasijiet, li jammontaw għal miljuni, huma maħsuba li kieanu marbuta mat-trasferimenti ta’ players li ma jidhirx li ġew irreġistrati bħala parti mir-rappurtar finanzjarju annwali tal-club lill-Premier League, l-FA u l-UEFA. .
