Chelsea u Manchester United huma fost il-clubs li qed isegwu l-iżvilupp tal-attakkant ta’ Reims, Hugo Ekitike.
Fil-jum tal-iskadenza tat-trasferimenti, deher li Newcastle United kienu se jirbħu t-tellieqa għal dan il-prospett żagħżugħ, biss ftehim ma mmaterjalizzax matul is-sigħat tal-għeluq tat-tieqa tat-trasferimenti ta’ Jannar.
Dan inevitabbilment ta ċans lil firxa wiesgħa ta’ clubs li jinvolvu ruħhom fit-tellieqa għal Ekitike, li skorja disa’ goals u pprovda żewġ assists fid-19-il dehra tiegħu fil-Ligue dan l-istaġun.
Chelsea u Manchester United kienu preżenti biex jaraw lill-player ta’ 19-il sena jimpressjona kontra Bordeaux fi tmiem il-ġimgħa.
Aktar minn 12-il club għamlu l-vjaġġ lejn Franza għal dik il-logħba, b’Manchester City, Liverpool, Arsenal, Tottenham Hotspur, Real Madrid u Paris Saint-Germain rappreżentati wkoll fl-istands.
Filwaqt li Ekitike għad fadallu sentejn u nofs fil-kuntratt tiegħu, Reims naturalment se jkollhom it-tentazzjoni li jakkwistaw il-flus bil-bejgħ ta’ dan il-player matul it-tieqa tat-trasferimenti tas-sajf.
