Chelsea viċin li jiffirmmaw lil Cesare Casadei

Inter laħqu ftehim preliminari ma’ Chelsea sabiex iċedu lill-plejer ta’ nofs il-ground żagħżugħ Cesare Casadei. Dan il-plejer ta’ 19-il sena kien ilu jinteressa lill-Blues bil-coach Thomas Tuchel li ilu jsegwi sew il-progress tiegħu. Is-somma li bih Casadei jista’ jmur f’Londra tidher li se tkun dik ta’ €20 miljun. Dan il-plejer hu membru regolari fit-team nazzjonali Taljan ta’ taħt id-19-il sena għalkemm qatt ma kellu ċ-ċans jingħata d-debutt fis-serie A.