L-attakkant ta’ RB Leipzig, Christopher Nkunku, tkellem dwar il-futur tiegħu mal-club tal-Bundesliga fejn ċaħad li jista’ jħalli lil dan il-club fost spekulazzjonijiet ta’ trasferiment li jorbtuh ma’ ċaqliq ‘il bogħod dan is-sajf.
Iż-żagħżugħ ta’ 24 sena kellu staġun 2021-22 eċċellebti ma’ Leipzig, fejn skorja 35 goal u rreġistra 16-il assist fi 52 dehra fil-kompetizzjonijiet kollha.
Forma bħal din rat lill-Franċiż marbut ma’ ċaqliq ‘il bogħod mill-Ġermanja fis-suq tat-trasferimenti li jmiss, bi clubs bħal Manchester United u Chelsea jkunu kkreditati b’interess qawwi li jakkwistaw il-firma tiegħu fil-ġimgħat li ġejjin.
