Taljan ta’ 33 sena weġġa’ gravi wara li kien involut f’inċident bir-rota f’San Ġwann.
Kien għall-ħabta tal-10.45 a.m. meta l-Pulizija ġiet infurmata li kien hemm bżonn l-assistenza tagħha fi Triq tal-Balal.
Il-Pulizija marret mill-ewwel fuq il-post u hemmhekk irriżulta li kien seħħ inċident bejn rota, li fuqha kien hemm it-Taljan, u trakk DAF, li kien qed jinstaq minn raġel ta’ 32 sena residenti l-Mosta.
Iċ-ċiklist ingħata l-assistenza minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
