L-attakkant internazzjonali Taljan Ciro Immobile mar fuq il-profil soċjali tiegħu fuq Twitter sabiex ħabbar li fl-istaġun li ġej se jerġa’ jilbes il-flokk ta’ Lazio.
“Ejja niktbu l-istorja ta’ Lazio flimkien, jien se nkun hemm. Nistennikom.”
Kienu kliem ta’ kuraġġ għall-partitarji ta’ Lazio li għall-bidu ħasbu li d-diversi proposti li ressqulu timijiet mill-Arabja Sawdija inkluż ammont kbir ta’ flus setgħu għamew lil dan il-plejer.
Madankollu hu serraħ ras il-partitarji tiegħu meta qal li jrid jirbaħ aktar trofej mal-Biancocelesti.
