Mosta …….….1
Sta Lucia……1
Goal ħames minuti fil-ħin miżjud ta punt prezzjuż lil Mosta waqt li ċaħħad lil Santa Lucia minn rebħa importanti hekk kif il-konfront ta’ bejniethom spiċċa bl-iskor ta’ 1-1.
Dan ir-riżultat iħalli lil Mostin żewġ punti fuq l-istess Santa Lucia u ħamsa fuq Balzan li jinsabu t-tieni mill-aħħar meta kull team baqagħlu jilgħab żewġ logħbiet għat-tmiem.
Santa Lucia gawdew l- inizjattiva sa mill-bidu nett tal-logħba u fid-disa’ minuta, minn free-kick ta’ Zerafa, id-daqqa ta’ ras ta’ Soares laqtet ix-xibka minn barra.
Fit-13-il minuta, Vito Plut kellu xutt minn tarf il-kaxxa li għadda ftit barra u minuta wara minn cross ta’ Dexter Xuereb, Plut reġa’ falla bi ftit.
Fis-17-il minuta, Gianmarco Conti approfitta ruħu minn clearance qasira ta’ Nathan Agius u dar miegħu qabel impenja lill-goalkeeper Ini Akpan b’xutt fil-baxx.
Tliet minuti wara minn cross ta’ Davidy Valpoort, Plut ikkontrolla b’diffikultá qabel għadda l-ballun lejn Conti li dar ma’ difensur qabel ikkonkluda fil-baxx bil- ballun jiġi mblukkat mid-difiża.
Fis-27 minuta, Santa Lucia rnexxielhom jiftħu l-iskor meta Prestes Filho għadda l-ballun lejn GIANMARCO CONTI li kellu l-konklużjoni devjata biex għeleb lil Akpan.
Ir-risposta Mostija ma damitx ma waslet u fit-32 minuta, Ememe niżżel il-ballun lil Agius li kellu xutt tajjeb minn tarf il-kaxxa li laqat il-wieqfa.
Ezatt qabel tmiem l-ewwel taqsima, Valpoort temm azzjoni personali b’xutt minn tarf il-kaxxa li ġie mdawwar f’corner bi bravura minn Akpan.
Fit-tieni taqsima, Mosta ħarġu jfittxu l-goal tad-draw u wara li kellhom xi konklużjonijiet żbaljati, fl-64 minuta, minn free-kick ta’ Clayton Failla, Rafael Morisco kkontrolla tajjeb iżda x-xutt angolat tiegħu falla l-mira bi ftit.
Erba’ minuti wara, Christ Ememe għadda l-ballun lejn Geoffrey Acheampong li kellu xutt tajjeb minn barra l-kaxxa salvat mill-goalkeeper Justin Haber.
B’Santa Lucia kienu jidhru resqin lejn rebħa, CLAYTON FAILLA ħasibha mod ieħor hekk kif, ħames minuti fuq il-ħin miżjud, venven freekick mill-isbaħ li ra l-ballun jolqot il-lasti darbtejn qabel jispiċċa fix-xibka.
MOSTA: 12-Ini Etim Akpan, 7-William Donkin (77-Zachary Brincat 63’), 8-Christ Ememe (9-Michael Mifsud 73’), 11-Geoffrey Acheampong, 13-Clayton Failla, 15-Jake Vassallo, 20-Boubakary Diarra, 21-Nathan Agius (27-Youri Loen 78’), 34-Rafael Morisco, 88-Sunday Akinbule, 98-Jonas Rodriguez Ekani – Coach: Joseph Grech
STA LUCIA: 16-Justin Haber, 4-Andre Prates, 5-Jurgen Pisani, 7-Gianmarco Conti, 8-Emerson Camilleri (10-Alan da Silva Souza 69’), 9-Vito Plut (2-Matthias Vella 90’), 11-Meghon Valpoort (14-Jan Tanti 81’), 17-Victor Luiz Prestes Filho, 22-Jamie Zerafa, 23-Dexter Xuereb, 29-Lorenzo Yoel Soares Fonseca – Coach: Giovanni Tedesco
REFEREE: Fyodor Zammit
ASS. REFEREES: Edward Spiteri, Thomas Debono
RABA’ UFF: Andrea Sciriha
SKORERS: G. Conti 27 (SL); C. Failla 95 (M)
AMMONITI: J. Pisani, E. Camilleri, J. Zerafa, A. Souza, A. Prates (SL); C. Failla, J. Ekani, I. Akpan (M)
