Clubs mill-Arabja Sawdija għadhom ma qatgħux qalbhom li jakkwistaw is-servizzi tal-winger offensiv Taljan Federico Chiesa. Dan tal-aħħar wera x-xewqa li jibqa’ ma’ Juventus minkejja li Al Hittihad, Al Hilal, Al Ahly u Al Nassr jinsabu interessati fih. Huma offerwlu kuntratt attraenti iżda għal darba darbtejn l-eks plejer ta’ Fiorentina qal li mhux interessat.
Min-naħa tiegħu, il-kowċ ta’ Juventus Massimiliano Allegri faħħar il-kwalitajiet sbieħ u s-sinċerita’ ta’ Chiesa li għażel li jkompli fil-proġett tiegħu.
