Meta ttellgħu l-poloz tal-ewwel round ta’ kwalifikazzjoni tal-UEFA Conference League, it-tliet timijiet Maltin se jmorru jilagħbu s-Slovenja u l-Irlanda ta’ Fuq.
Birkirkara u Balzan se jmorru jilagħbu s-Slovenja hekk kif ittellgħu jilagħbu kontra NK Maribor u NK Domzale rispettivament.
Min-naħa ta’ Gzira United, il-polza se teħodhom l-Irlanda ta’ Fuq meta se jaffrontaw lil Glentoran.
L-ewwel leg se jintlagħab fit-13 ta’ Lulju hekk kif Balzan u Gzira United jilagħbu f’pajjiżna filwaqt li l-leg ta’ ritorn jintlagħab fl-20 ta’ Lulju fejn din id-darba jkunu Birkirkara li jilqgħu lill-avversarji f’pajjiżna.
