Id-difensur internazzjonali Ingliż ta’ Wolves, Conor Coady, ingħaqad ma’ Everton. Dan wara li kien infurmat li ma kienx aktar jifforma parti mill-pjani tas-sistema l-ġdida tal-coach Bruno Lage.
Il-player ta’ 29 sena li huwa minn Liverpool, esprima s-sodisfazzjon tiegħu li ffirma mat-Toffees.
Huwa qal li appena sema’ bl-interess ta’ Everton, it-tweġiba tiegħu kienet fl-affermattiv u sostna li huwa kuntent li se jirritorna f’belt twelidu.
Aktar minn hekk huwa qal li bosta mill-familjari tiegħu huma partitarji ta’ Everton u għaldaqstant se jħossu ferm komdu li jilgħab għal dan il-club.
Ironikament, huwa beda l-karriera tiegħu mar-rivali eterni, Liverpool.
