Il-Ħadd filgħaxija fil-korsa tal-Marsa ġew fi tmiemhom is-sensiela ta’ kampjonati għal żwiemel Franċiżi. Dan permezz ta’ ħames finali fuq distanza qasira ta’ 2140m. Spikkat l-aktar il-finali mill-Prix De Vincennes tal-klassi Premier u li ntrebħet mill-favorit Crack Money. Din għamlet parti mit-32 laqgħa tas-sena fuq seba’ tiġrijiet kollha tat-trott.
Tnax -il żiemel ħadu sehem fil-finali Premier. Il-kwotat Crack Money (Michael Ellul) żied fil-ġiri dawra mit-tmiem u ħa l-kmand madwar 500m mil-linja finali. Hu rnexxilu jakkwista r-raba’ rebħa konsekuttiva u l-ħames waħda f’Malta faċilment b’tul minn Doosty (Julian Farrugia) u Ellington Dream (Charles Camilleri). Carnaval Du Vivier (Caillin Borg) u Diablo d’Herfraie (Charles Degorgio) temmew fir-raba’ u l-ħames post rispettivament.
Fi tmiem il-finali, Tony Demanuele Viċi Chairman tal-Malta Racing Club u Dr Matthew Brincat, Kap Eżekuttiv ta’ Malta Equidrome ppremjaw lil Michael Ellul u lil Stephen Ciangura, is-sewwieq u s-sid taż-żiemel rebbieħ. Intant Crack Money kellu medja ta’ 1.13.4” fil-kilometru.
Fil-finali mill-Prix d’Enghien tal-klassi Gold, il-kwotat Escoublac (Charlton Muscat) kien il-ħin kollu quddiem u rnexxilu jieħu t-tielet rebħa nfila b’tul minn Furyo (Cherise Farrugia) u Everest Dodville (Clint Vassallo). Darling Atout (Julian Farrugia) u Brem Orange (Chris Cassar) daħlu warajhom f’dik l-ordni.
Ir-rebbieħa kollha
I Tiġrija. Klassi Silver. Dist – 2140m. 1. Fan De L’Iton (J. Attard) Ħin – 2.43.5” (1.16.4”) 2. Vision Face (P. Galea) 3. Falcon Du Hamel (M. Attard) 4. Business Du Bourg (M. Ellul)
II Tiġrija. Finali Prix De Caen Klassi Copper. Dist – 2140m. 1. Gypsa Bella (S. Cassar) Ħin – 2.42.1” (1.15.8”) 2. General De L’Isac (P. Galea) 3. Henzo De Perthuis (R. Gatt) 4. Halina Jibay (C. Vassallo) 5. Gipsy De Granou (S. Vella)
III Tiġrija. Finali Prix de Cagnes Sur Mer. Klassi Bronze. Dist – 2140m. 1. Denver Haufor (R. Gatt) Ħin – 2.39.7” (1.14.7”) 2. Forrest Beji (J. Gafa’) 3. Giotta Buissonay (Ch. Camilleri) 4. Cooper Club (S. Schembri) 5. Friend (N. Azzopardi)
IV Tiġrija. Finali Prix De Cabourg. Klassi Silver. Dist – 2140m. 1. Derby Chevaleraie (K. Saliba) Ħin – 2.39.8” (1.14.7”) 2. Concerto Star (R. Gatt) 3. Elorn (Ch. Camilleri) 4. Evita d’Estree (A. Farrugia) 5. Derby Speed (N. Cauchi)
V Tiġrija. Klassi Prix d’Enghien. Klassi Gold. Dist – 2140m. 1. Escoublac (Ch. Muscat) Ħin – 2.38.1” (1.13.9’) 2. Furyo (Cherise Farrugia) 3. Everest Dodville (C. Vassallo) 4. Darling Atout (J. Farrugia) 5. Brem Orange (Ch. Cassar)
VI Tiġrija. Finali Prix De Vincennes. Klassi Premier. Dist – 2140m. 1. Crack Money (M. Ellul) Ħin – 2.37” (1.13.4”) 2. Doosty (J. Farrugia) 3. Ellington Dream (Ch. Camilleri) 4. Carnaval Du Vivier (C. Borg) 5. Diablo d’Herfraie (Ch. Degiorgio)
VII Tiġrija. Klassi Silver. Dist – 2140m. 1. Cobbys Celeb (K. Azzopardi) Ħin – 2.43” (1.16.2”) 2. Xanthis Excalibur (R. Gatt) 3. Drop Viervil (A. Farrugia) 4. Du Snob (N. Baldacchino)
