Fi ktieb li ħarġet gazzetta influwenti Ingliża, jidher ċar li l-istilla Portugiża Cristiano Ronaldo jinsab frustrat, imdejjaq u bla paċenzja ma’ Manchester United.
L-istess ktieb ikkwota xi ftit mill-istqarrijiet li ħareġ Ronaldo fosthom li t-trasferiment tiegħu f’Old Trafford kien l-agħar ħaġa li qatt għamel u li ma kienx jingwalaha mad-direttur Ralf Rangnick aħseb u ara mal-kowċ attwali Erik Ten Haag.
Fuq kollox, Ronaldo kellu kritika dwar il-faċilitajiet tat-taħriġ ta’ Manchester United li mill-2009 ‘l hawn ma nbidlux.
