L-attakkant internazzjonali Portugiż, Cristiano Ronaldo, kompla jkun protagonista għal Al-Nassr fil-kampjonat tal-Arabja Sawdija hekk kif għelbu lil Al-Taawoun bl-iskor ta’ 2-1.
Wara li skorja erba’ goals kontra Al Wehda l-ġimgħa li għaddiet, iż-żewġ goals f’din il-partita waslu bil-kontribuzzjoni tiegħu billi rreġistra żewġ assists.
Wieħed fl-ewwel taqsima u l-ieħor kien aktar importanti minħabba li wasal ħames minuti mit-tmiem biex Al-Nassr kisbu rebħa importanti.
