L-attakkant internazzjonali Portugiż, Cristiano Ronaldo, irid li jittermina l-kuntratt ma’ Manchester United minħabba li jrid jitlaq mill-club akkost ta’ kollox.
Minkejja kull tentattiv mill-ex coach tar-Red Devils, Alex Ferguson, biex Ronaldo jibqa’ f’Old Trafford, il-player ta’ 37 sena għamilha ċara li jrid jilgħab fil-UEFA Champions League.
Bħalissa huwa għandu salarju ta’ £360,000 fil-ġimgħa u l-kuntratt tiegħu jintemm f’Ġunju 2023.
Min-naħa tal-coach il-ġdid, Erik ten Hag, qed isostni li Ronaldo se jibqa’ mal-United u ma tantx hemm x’wieħed jikkummenta.
Ronaldo għadu ma niżilx għat-taħriġ u ma kienx fl-iskwadra li ħadet sehem fil-pre-season fl-Asja u fl-Awstralja.
