L-attakkant ta’ Manchester United Cristiano Ronaldo mistenni jibqa’ f’Old Trafford dan is-sajf, skont rapport.
Il-futur tal-player ta’ 37 sena riċentement ġie mpoġġi f’dubju, b’rapport wieħed isostni li l-ħames darbiet rebbieħ tal-Ballun tad-Deheb kien tabilħaqq ħerqan li jitlaq jekk ir-Red Devils jonqsu milli jsaħħu l-iskwadra bi players ġodda dan is-sajf.
Madankollu, huwa mifhum li Ronaldo beħsiebu jibqa’ mal-club u mistenni jingħaqad mal-iskwadra għall-pre-season hekk kif se jkun qed jirritorna minn żmien barra mill-Ingilterra hekk kif kien fuq btala mal-familja tiegħu.