Il-coach il-ġdid ta’ Manchester United, Erik ten Hag, xejjen kull spekulazzjoni li l-attakkant internazzjonali Portugiż, Cristiano Ronaldo, se jħalli l-club billi ħabbar li se jibqa’ f’Old Trafford.
Minkejja li l-player ta’ 36 sena qed isostni li jrid iħalli lir-Red Devis, ten Hag tenna li Ronaldo jinsab fil-pjani tiegħu u f’dan l-istadju huwa tard wisq biex wieħed jibda jfittex is-sostitut tiegħu hekk kif it-timijiet bdew il-pre-season.
Aktar minn hekk, Ronaldo ma jinsabx mal-kumplament tal-iskwadra li tinsab fit-Tajlandja għall-pre-season.
Mindu Ronaldo ħabbar li jrid jitlaq lill-United, huwa qatt ma kellem lil ten Hag.
