Crystal Palace jixtiequ jiksbu s-servizzi tal-plejer ta’ nofs il-grawnd ta’ Paris St Germain Julian Draxler. Dan il-midfielder Ġermaniż għadu kemm ġie minn perjodu ta’ self ma’ Benfica u ġie mgħarraf mill-kowċ ta’ PSG Luis Enrique li ma jinsabx fil-pjanijiet tiegħu.
Huwa għalhekk li Draxler għandu xewqa li jingħaqad ma’ The Eagles sabiex minbarra li jilgħab futbol regolari, jżomm postu mat-tim nazzjonali Ġermaniż sabiex jintgħażel fil-fażi finali tal-kampjonat Ewropew li se ssir is-sena d-dieħla.
Julian Draxler għandu 29 sena u fil-passat lagħab ukoll ma’ Schalke 04 u Wolfsburg.
