Fuq is-sit tiegħu ta’ Facebook il-Prim Ministru Robert Abela qal li dak li tħabbar lbieraħ iwitti t-triq għan-normalità.
Abela kompla biex jgħid li x-xewqa tal-poplu Malti u Għawdxi hija dik li nirritornaw lura għas-sempliċità tal-ħajja li tant ngħożżu ma’ dawk l-iżjed għeżież fostna. Il-Prim Ministru tenna jgħid li ksibna wisq suċċessi flimkien biex issa nieħdu deċiżjonijiet li jimminaw it-tant tajjeb li għamilna.
Huwa temm jgħid li b’għaqal u prudenza ser inkomplu ntejbu l-kwalità tal-ħajja tan-nies sabiex għada jkun aħjar mil-lum.
