Daniel Meli rebaħ il-kważa li fetaħ fejn kien qiegħed jitlob li ma jiġix estradit lejn l-Istati Uniti.
L-Istati Uniti qiegħda titlob li Meli jiġi estradit lejn il-pajjiż biex ikun jista’ jwieġeb għal akkużi li kien ibiegħ malware illegali fuq dak li jisejjaħ dark web.
Meli li għandu 28 sena hu akkużat li wettaq dan ir-reat bejn Diċembru tal-2012 u Ġunju tal-2022.
Kien fi Frar tal-2024 meta hu ġie arrestat f’operazzjoni li kienet ikkordinata bejn il-Pulizija Maltija u l-uffiċju tal-Avukat Ġenerali. Huma kellhom l-għajnuna tal-FBI u anke tad-Dipartiment tal-Ġustizzja tal-Istati Uniti.
Minn dakinhar Meli ilu jiġġieled fil-Qrati Maltin biex ma jiġix estradit lejn l-Istati Uniti fejn hemm seta’ jeħel snin twal ta’ ħabs.
Id-deċiżjoni li ttieħded mill-Qorti dalgħodu tista’ tiġi appellata.
