Matul dan tmiem il-ġimgħa ma kienx hemm logħob mill-kampjonat nazzjonali tat-table tennis hekk kif saru żewġ ranking tournament għall-atleti ta’ taħt il-11-il sena u taħt id-19-il sena.
Fil-kategorija taż-żgħar, Danny Scicluna spiċċa fl-ewwel post wara li rebaħ il-logħbiet kollha li lagħab. Fis-semifinali hu lagħab kontra Jake Arora u rebaħlu 3-0 sabiex fil-finali hu ħadha kontra Julia Bonnici li min-naħa tagħhom fil-fażi tal-aħħar erbgħa rebħet 3-0 kontra Ben Vella.
Fil-finali, Danny Scicluna kompla jibbrilla hekk kif rebaħ 3-0 lill-istess Julia Bonnici sabiex kiseb l-ewwel post.
Sadanittant it-turnament fil-kategorija ta’ taħt id-19-il sena jkompli din il-ġimgħa sabiex eventwalment ikun hemm ir-rebbieħ finali.
