L-eks attakkant ta’ Juventus Darko Kovacevic kien qed jitkellem f’intervista li saritlu ma’ gazzetta sportiva Taljana. Hu tkellem b’mod partikolari dwar il-karriera tiegħu bil-flokk Bianconero bejn is-snin 1999 u l-2001 fejn skorja 11-il gowl f’47 dehra magħhom.
F’ħin minnhom id-diskors waqa’ fuq l-attakkant Serb Dusan Vlahovic li bħalissa qed jilbes il-flokk ta’ Juventus. Hu qal li minkejja li l-plejer żagħżugħ qed jiġi attirat minn diversi klabbs, li kien għalih hu jibqa’ jilgħab f’Turin għax meta tilgħab ma’ Juventus hu unur kbir għal kull plejer.
Kovacevic jemmen li l-aħjar ta’ Vlahovic għad irid joħroġ ma’ dan il-klabb.