Il-coach ta’ Floriana Darren Abdilla rebaħ l-unur tal-VBET Coach tax-Xahar għal Frar.
Floriana kienu l-uniku tim bla telfa fost it-12-il klabb tal-MPL matul ix-xahar imsemmi, u kisbu tliet rebħiet kontra Zabbar, Marsaxlokk, u Sliema Wanderers, flimkien ma’ draw ta’ mingħajr gowls kontra Balzan.
Minn 25 vot mitfugħa, Abdilla irċieva tmien voti biex kiseb il-premju, u b’hekk immarka t-tieni titlu ta’ VBET Coach tax-Xahar tiegħu wara li rebaħ ukoll l-unur f’Novembru.
Il-premju lill-Coach Abdilla ġie ppreżentat it-Tnejn filgħodu fl-uffiċċju tal-VBET, mid-Direttur għall-Iżvilupp tan-Negozju ta’ Soft Construct Malta, Adam Calleja.
