Fl-ewwel ġurnata tat-tazza tad-dinja tad-darts li qed issir fil-belt Daniża ta’ Esbjerg, spikkat ir-rebħa fid-doubles tal-koppja Maltija Enrico Scerri u Tony Borg li għelbu lill-koppja Litwana Mindaugas Barauskas u Mindaugas Viskontas 4-2.
Mill-banda l-oħra, Albert Scerri u Norbert Attard tilfu l-logħba tagħhom kontra d-Daniżi Benjamin Reus u Andreas Toft 4-2.
Fil-kategorija singles tan-nisa wara li Althea Ciantar ħadet walk-over kontra l-Indjana Jacqueline Sharon Kanna, hi sfat megħluba kontra l-Iżvediża Karol Pruim 4-1.
Min-naħa l-oħra, Marconia Zammit Borg kienet żvinturata li tilfet kontra l-Katalana Dolores Cascales 4-3 filwaqt li Liliana Abela tilfet 4-1 kontra l-Belġjana Cindy Van der Borre.
Finalment Pauline Tonna sabitha ferm diffiċli kontra l-qawwa tal-Fillandiża Kirsi Vilkainen tant li tilfet 4-0.
Il-logħob ikompli llum b’ġurnata intensiva għan-nisa Maltin li se jikkompetu fil-kategorija tat-timijiet filwaqt li l-irġiel ikunu fl-azzjoni fil-kompetizzjoni singles.
